យើងមាន វិធីងាយៗ ដើម្បីធ្វើទឹកបន្ទាលកន្ទុយក្រពើ ដោយខ្លួនឯង ជៀសវៀងទៅទិញពីគេ ដោយបារម្មណ៍ថាមានជាតិគីមី។
វិធីធ្វើមានដូចតទៅ ៖
គ្រឿងផ្សំ
បន្ទាលកន្ទុយក្រពើ -
ស្លឹកតើយ -ស្ករស
វិធីធ្វើ
ចិតសំបកបន្ទាលចេញអោយស្អាត រួចហាន់វាជាដុំតូចៗ ហើយមកទុកវាដោយឡែកសិន។ បន្ទាប់មកទៀត អ្នកត្រូវដាំទឹកទៅតាមបរិមាណសមស្របជាមួយបន្ទាលអោយពុះ។ ពេលទឹកពុះត្រឹមត្រូវ ចូរដាក់ស្លឹកតើយចូល រួចរំងាស់វា អោយចេញក្លិនឈ្ងុយល្អ។ ក្រោយមកទៀត ចាក់បន្ទាលដែលអ្នកបានចិតទុករួចរាល់ ចូលក្នុងឆ្នាំង។ បន្តមកទៀត រំងាស់វាឱ្យបានប្រមាណ៥នាទី រួចដាក់ស្ករសឱ្យផ្អែមល្មម ជាការស្រេច។
ចំណាំ៖ ដើម្បីបង្កើនរសជាតិអោយកាន់តែឆ្ងាញ់
នៅពេលដែលលោកអ្នកយកមកពិសារ លោកអ្នកអាចបន្ថែមក្រូចឆ្មាបន្តិច (កុំអោយជូរពេក)។ ពេលនេះលោកអ្នកនឹងទទួលបានទឹកបន្ទាលកន្ទុយក្រពើដ៍ឈ្ងុយឆ្ងាញ់។ តែកុំភ្លេចយកវាទៅក្លាសេក្នុងទូរទឹកកកឱ្យត្រជាក់សិន
មុននឹងយកមកបរិភោគ ដើម្បីឱ្យវាកាន់តែឆ្ងាញ់៕
